З СТАТУТУ ЛУЦЬКОЇ БРАТСЬКОЇ ШКОЛИ. 1624 р.

Артикул 11

Даскал, или учител сея школы, мает быти благочестив, разумен, смиреномудрый, кроток, воздржливый, не пияница, не блудник, не лихоимец, не гневлив, независтник, пе смехостроител, не срамословник, не чародей, не баспосказател, не пособител ересем, но благочестию поснешитель, образ благых во всем себе представляюще. Й в сицевых добродетелех да будут и ученицы, якоже учитель их. Таковому учителю каждый, приводячий и даючий сына й прочиих на науку, мает взяти с собою суседа едного или двох: «да при устех двою й триех сведителсй станет всяк глагол», й чинити з даскалом постановене о науцех и в всем порядку, ведле реєстру сего нижей писаного. Й мает ему нанервей той реєстр прочитатись, абы ведал, яковым способом будут сына его учити, и яко бы ему мел в том по­рядку не перешкажати, але допомагати всяким способом деткам, ку науце и послушенству даскаловому приводячи, як правдивый отец, хотячи потеху й по праце благий плод видети, и мает в реєстр по обычаю вписатися... Артикул З

Седати кождый мают на месци своем певном, назпачоном ведле науки: который болшей умети будет, сидети высшей мает, бы и барзо нищ был; который меншей умети будет, на подлейшом местцу сиглети будет...

Артикул 12

Повинен будет даскал учинити и на писме им подавати от святого евангелия, от книг апостодских, от пророков всех, от отец святых учення, от философов, от поетов, от гисториков, и прочая.

Артикул 13

В субботу мают поновляти всех речей, которых ся учили през тыжден, й учитися мают пасхалии, й лунного течения, й личбы, и рахованя или музык церковного пения...

Артикул 16

Двох или чотырох хлопцов, на каждый тыжден инши, порядком, мают на сохранение виставляти, з чого ся ни один відмовляти не может, кгды на него черга прийде. Дело их будет: раней до школы прийти, школу помести, в печи запалити, й у дверей сидети, а которые выходят и входят, о всех ведати. И которые бы ся не учили, пустовали или в церкви нерядно стояли, или додому идучи обычайно бы ся не заховали, написовати й оповедати их мают.

Артикул 17

Кгды бы теж хлопец в един ден до школы ходил, а другой день занедбал, и так одно час бы собе травил, в речи при школе, такого болш не прйпмати: бо и балвер /лікар/ кгды бы хорого во един день лечил, а в другой запедбал, вместо злечения, в болшую бы хоробу его приправил...

Артикул 19

Кгды бы теж кто хотел от даскала сына своего на потребу иную взяти, теды не безочне, а ни през кого иного, толко сам своєю осо­бою й при том же человеку, едйном или двох, при которых его отдал на науку, взяти его мает, аби ся тым ублыжене не деяло учню й ему самому за непорядпое постудоване, так теж й дасколови, от которого бы не оповедне учня взял...

Школы словенское наука починается: напервей научившися складов литер, потом граматики учат, при том же й церковному чину учат, читаню, спеваню. Так же учат на каждый день, абы дети един другого пытал погрецку, абы ему отповедал пословенску. И тыж питаются пословенску, абы им отповедано по простой мове. Й тыж не мают з собою мовити простою мовою, ено словенскою и грецкою. А так ныне тому учатся, до болших приступаючи, к диалектице й реторице, которые науки пословенску переведенные; русским языком списано диалектику й реторику, и иные философские писма, школы належачие.

Памятники Киевской комиссии для разбора древних актов.Киев, 1 898, т. 1, с. 48-54.